Home Movie Reviews

0 1357

தமிழ்த் திரையுலகில் பேய்ப் படங்களாக வந்து கொண்டிருக்கம் சூழ்நிலையில், இந்தப் படத்திலும் பேய் இருக்குமோ என்ற எண்ணத்தை ஏற்படுத்தி, ஒரு ‘மர்டர் மிஸ்ட்ரி’யை மிகவும் பரபரப்பாகவும், விறுவிறுப்பாகவும் கொடுத்து ரசிக்க வைத்திருக்கிறார் இயக்குனர் ஏ.எம்.ஆர்.ரமேஷ்.

அவர் இதற்கு முன் இயக்கிய “குப்பி, வனயுத்தம்” ஆகிய இரண்டு படங்களுமே விமர்சகர்களால் பெரிதும பாராட்டப்பட்ட படங்கள். அந்தப் படங்களை நிஜ சம்பவங்களை அடிப்படையாக வைத்துக் கொடுத்து பேசப்பட்டார். அதே போல இந்தப் படமும் நிஜ சம்பவம் ஒன்றின் கதையா இருக்குமோ என்று பட வெளியீட்டிற்கு முன் பத்திரிகைகளில் பரபரப்பாகப் பேசினார்கள். அந்த அளவிற்கு தன்னுடைய படங்களின் மூலம் மீடியாக்களிடமும், ரசிகர்களிடமும் பெயரெடுத்தவர் இயக்குனர் ரமேஷ்.

இந்த ‘ஒரு மெல்லிய கோடு’ படத்திலும் அவருடைய திரைக்கதைதான் படத்தின் ஹைலைட். ஒரே ஒரு இரவில் நடக்கும் கதைதான் இந்தப் படம். பிரபல பெண் தொழிலதிபரான மனிஷா கொய்ராலா கொலை செய்யப்பட, அவருடைய உடல் ‘போஸ்ட் மார்ட்டம்’ செய்தவதற்காக பலத்த பாதுகாப்புடன் வைக்கப்பட்டுள்ளது. ஆனால், திடீரென அவருடைய உடல் காணாமல் போய்விடுகிறது. மனிஷாவின் கணவரான ஷாம் மீது சந்தேகம் கொண்டு போலீஸ் அதிகாரியான அர்ஜுன் அவரை தன்னுடைய விசாரணை வளையத்திற்குள் கொண்டு வருகிறார். காணாமல் போன மனிஷாவின் உடலைக் கண்டுபிடிக்கும் முயற்சியில் அவர் ஈடுபடுகிறார். அதன் பின் என்ன நடந்து என்பதுதான் படத்தின் பரபரபப்பான திரைக்கதை. படத்தின் முடிவு ரசிகர்கள் யாருமே யூகிக்க முடியாத ஒரு முடிவு.

அறிமுகமான காலத்திலிருந்தே போலீஸ் அதிகாரி கதாபாத்திரம் என்றால் அர்ஜுனுக்கு அல்வா சாப்பிடுவது போல. இந்தப் படத்திலும் அந்தக் கதாபாத்தில் சர்வசாதாரணமாக நடித்திருக்கிறார். ஷாமை விசாரிக்கும் காட்சிகள் அனைத்திலும் கம்பீரமான போலீஸ் அதிகாரி கண் முன் நிற்கிறார். ஆக்ஷனில் அதிரடியான போலீஸ் அதிகாரியாக பார்த்த அர்ஜுன் இந்தப் படத்தில் அமைதியான போலீஸ் அதிகாரியாக நடிப்பில் அதிரடி காட்டியிருக்கிறார்.

தன்னை விட மூத்த வயதுடைய மனிஷா கொய்ராலாவைத் திருமணம் செய்து கொண்டாலும் இன்னொரு பக்கம் அக்ஷா பட்டை காதலித்துக் கொண்டிருக்கிறார். படத்தில் ஆரம்பம் முதலே ஷாமை வில்லனைப் போலவே தெரிகிறார். எந்த விதமான கதாபாத்திரத்திலும் தன்னால் நடிக்க முடியும் என மீண்டும் நிரூபித்திருக்கிறார் ஷாம்.

மனிஷா கொய்ராலா சிறிய இடைவெளிக்குப் பிறகு தமிழில் நடித்துள்ள படம். ஷாமின் காதலியாக அறிமுகமாகியிருக்கும் அக்ஷா பட் தமிழுக்கு வந்துள்ள அழகான அறிமுகம். அர்ஜுனின் வலது கரமாக படத்தின் இயக்குனர் A.M.R.ரமேஷும் விசாரணை அதிகாரியாக பொருத்தமான நடிப்பை வெளிப்படுத்தியிருக்கிறார்.

இளையராஜாவின் இசை வழக்கம் போலவே பின்னணி இசையில் படத்திற்கு விறுவிறுப்பைக் கூட்டியிருக்கிறது.

அதிகமான காட்சிகள் மருத்துவமனை வளாகத்தில் இருந்தாலும் அது தெரியாத அளவிற்கு ஒளிப்பதிவாளர் கிருஷ்ணஸ்ரீராமும், படத் தொகுப்பாளர் கிருஷ்ண ரெட்டியும் இயக்குனருக்கு பக்கபலமாக இருக்கிறார்கள். மருத்துவமனையை ‘செட்’ என்று சொன்னால் நம்பவே முடியாது.

‘ஒரு மெல்லிய கோடு’ – மிரட்டலான த்ரில்லர்.

0 1371

தமிழ் சினிமாவில் அவ்வப்போது தான் சமூக கருத்தை மையபடுத்தி படங்கள் வருகின்றன, அப்படி ஒரு நல்ல கருத்தினை மைய்யபடுத்தி எடுக்கப்பட்ட படம் தான் ‘அம்மா கணக்கு’

சரி கதைக்கு போவோம், தன் கணவன் இறந்த பின் தனி ஆளாக வீட்டு வேலை உட்பட பல வேலைகளை செய்து தனது மகளை படிக்க வைக்கிறாள் சாந்தி(அமலா பால்), ஆனால் தனது மகள் கணக்கு பாடத்தில் படு மொக்கை மேலும் அவளுக்கு படிப்பில் ஆர்வமும் இல்லாமல் இருக்க, அவளை எப்படியாவது படிக்க வைத்து தான் படும் கஷ்டம் தனது மகள் படக்குடாது என பாடுபடுகிறாள் சாந்தி. இப்படி இருக்க அவள் சரியாக படிக்காமல் போக. ரேவதியின் அறிவுரைப்படி தன் மகள் படிக்கும் பள்ளியிலேயே பத்தாம் வகுப்பு சேருகிறாள் சாந்தி. பின் என்ன ஆகிறது என்பது தான் மீதி கதை.

படத்திற்கு பெரும் பலம் சேர்க்கிறது இசைஞானி இளையராஜாவின் இசை, பின்னணி இசையில் காட்சியின் ஆழத்தை உணர்த்துகிறார். மேலும் பாடல்கள் பலே ரகம்.

கேவ்மிக் யு ஆரியின் ஒளிப்பதிவு அபாரம். மாறி மாறி ஒரே லொகேஷன் என இருந்தாலும் அதை போர் அடிக்காமல் காட்டியிருக்கிறார் அவர்.

விஜய் முருகன் கலையில் தனது நேர்த்தியை காட்டியிருக்கிறார். ஏழை வீடு மற்றும் ரேவதியின் பணக்கார வீடு இரண்டிலும் தனது கலை வண்ணம் வேற லெவல்.

படத்தில் கதாநாயகன் மற்றும் கதாநாயகி இரண்டுமே அமலா பால் தான், திருமணம் ஆன மாதிரி நடிப்பதற்கே தயக்கம் காட்டும் நடிகைகள் மத்தியில் பத்தாவது படிக்கும் பெண்ணிற்கு அம்மா வேடத்தில் நடித்தமைக்கே அவரை பெரிதும் பாராட்டியே ஆக வேண்டும். மேலும் அவரது நடிப்பு அபாரம். அமலா பாலிற்கு பெண்ணாக நடித்திற்கும் யுவஸ்ரீ கேரக்டராக வாழ்ந்திருக்கிறார் என்று தான் சொல்ல வேண்டும், அனைத்து காட்சிகளிலும் அவரின் நடிப்பு அபாரம். வாத்தியாராக வரும் சமுத்திரகனி இந்த முறை தனது நடிப்பில் சற்று வித்யாசம் காட்டியிருக்கிறார்.

அம்மா கணக்கு படத்தை எழுதி இயக்கியிருக்கிறார் அஸ்வினி ஐயர் திவாரி, ஒரு சராசரி தாயின் கனவு அதற்காக அவள் எடுக்கும் முயற்சி மேலும் எல்லாருக்கும் கல்வி அவசியம் என ஒரு நல படத்தை கொடுத்திருக்கிறார் இயக்குனர்.

இப்படத்தினை தனது வண்டர்பார் நிறுவனத்தின் மூலம் தயாரித்திருக்கிறார் தனுஷ். தயாரிப்பாளர்கள் கமர்ஷியல் என ஓடிக்கொண்டிருக்க, சமூக அம்மறையோடு படம் கொடுத்தமைக்கு தனுஷ் அவர்களுக்கு பாராட்டுக்கள்

அம்மா கணக்கு – கணக்கு சரியா தான் இருக்கு

0 1322

தெருவில் என்ன நடந்தாலும் கண்டும் காணாமல் விலகிச் செல்லும் மெட்ரோ சிட்டி மக்களிடம் ‘செயின் பறிப்பு’ என்கிற அட்ராசிட்டி வேலையைச் துணிச்சலும் செய்யும் ஒரு இளைஞன், அவனைச் சார்ந்த கூட்டாளிகளின் கதையும் தான் இந்த ”மெட்ரோ.”

பத்திரிகை ஒன்றில் வேலை பார்க்கும் ஹீரோ சிரிஷுக்கு அம்மா – அப்பா ஒரே ஒரு தம்பி என அளவான நடுத்தர வர்க்கத்தின் குடும்பம்.

அவருடைய தம்பி சத்யா தனது காதலி கேட்கும் காஸ்ட்லி செல்போனுக்காகவும், காஸ்ட்லி பைக்குக்காகவும் கூடவே படிக்கும் இன்னொரு இளைஞனுடன் சேர்ந்து செயின் பறிப்பு வேலையில் இறங்குகிறான்.

முதல் பறிப்பு வெற்றிகரமான முடிய கையில் ஒரு லட்சம் கிடைக்கவும் சத்யாவின் மனது சதா எந்த நேரமும் செயில் பறிப்பிலேயே ஈடுபட ஆரம்பிக்க ஒரு நாள் அந்தப் பாசக்கார அம்மாவுக்கும் இளைய மகனின் கோர முகம் தெரிய வருகிறது. பதறித் துடிக்கும் அந்த அன்பான அம்மாவையே கொலை செய்யத் தூண்டி விடுகிறது. கையில் புரளும் பணம்.

அம்மாவை கொன்றது யார்? என்று தனது நண்பன் செண்ட்ராயனுடன் சேர்ந்து நூல் பிடித்தாற் போல் தேடிப்போகும் மூத்த மகன் சிரிஷ் அதன் பின்னணியில் சொந்தத் தம்பியே இருப்பதைக் கண்டு அதிர்ச்சியடைகிறான்.

சொந்தத் தம்பியாக இருந்தாலும் தவறு தவறு தானே? பாசத்தை கக்கத்தில் வைத்து விட்டு தம்பிக்கான தண்டனையை கொடுத்தானா? இல்லையா? என்பதே கிளைமாக்ஸ்.

சென்னை மாதிரியான மெட்ரோ சிட்டிகளில் ”ஹெல்மெட் கட்டாயம்” என்கிற சட்டம் பொது மக்களின் உயிரை காப்பாற்ற பயன்பட்டாலும், செயின் திருடர்களுக்கு கொண்டாட்டம் தான் என்பதை இந்தப்படம் காட்சிக்கு காட்சி பிரதிபலிக்கிறது. சத்யாவும் அவனது கூட்டாளிகளும் செயின் பறிப்பு வேலையை ஹெல்மெட்டை மட்டும் மாட்டிக்கொண்டு ஈஸியாக செய்து முடிக்கிறார்கள். ( இனி ஒரே பைக்கில் வரும் இரண்டு பேர் ஹெல்மெட் போட்டு வந்தால் உஷாராக இருக்க வேண்டும் போல!)

ஹீரோவாக புதுமுகம் சிரிஷ். ஒரு சீரியஸான கதைக்கு இந்த பிஞ்சு மூஞ்சியை எப்படி இயக்குநர் டிக் செய்தார் என்று தெரியவில்லை. ரொமான்ஸ் காட்சியில் நாயகியுடன் நெருங்கவே கூச்சப்படுகிறார். ஆக்டிங்கை இன்னும் கொஞ்சம் இம்ப்ரூவ் பண்ணனும் ப்ரோ.

அதை விடக்கொடுமை அவரது நண்பராக வரும் செண்ட்ராயன், அவரே ஒரு செயின் பறிப்பு திருடன் போல் தான் இருக்கிறார். அவரின் துணையோடு அம்மாவை கொலை செய்தவனை கண்டுபிடிக்க கிளம்புவது காமெடி தானே? சில இடங்களில் செண்ட்ராயனின் டயலாக்குகளை ரசிக்கலாம்.

ஹீரோ சிரிஷை விட அவரது தம்பியாக வரும் சத்யா தான் படத்தின் பெரும்பாலான காட்சிகளை ஆக்ரமிக்கிறார். ஆரம்பத்தில் அமைதியாக கூச்ச சுபாவத்தோடு வரும் இவர் நேரம் செல்லச் செல்ல தனது கொடூர முகத்தை காட்டுவது கை தட்டல்களை அள்ளுகிறது.

ஏதோ நாயகி கேரக்டரை படத்தில் வைக்க வேண்டுமே என்கிற கட்டாயம் டைரக்டர் ஏற்பட்டதோ என்னவோ? நாயகியாக வரும் மாயா எதற்காக வருகிறார் என்றே தெரியவில்லை. ”நல்லா நடிச்சிருக்கேம்மா…” என்று பாராட்டிச் சொல்ல ஒரு காட்சி கூட அந்த அழகுப் பொண்ணுக்கு படத்தில் இல்லை.

செயின் பறிக்கும் இளைஞர்களை வழி நடத்தும் வில்லனாக வருகிறார் பாபிசிம்ஹா. சதா எந்த நேரமும் ஒரே ஒரு அறைக்குள் தான் இருக்கிறார். ஆனால் எல்லா செயின் பறிப்பு வேலைகளுக்கும் இவர் தான் டைம் டேபிள், கூகுள் மேப் எல்லாம் போட்டுக் கொடுக்கிறார். ( எப்படி பாஸ்?)

சென்னை சிட்டியை அதன் இயல்பு மாறாமல் காட்டியிருக்கிறார் ஒளிப்பதிவாளர் உதயகுமார். இனி தெருவில் நடந்தாலே கொஞ்சம் ஜாக்கிரதையாக இருக்க வேண்டும் என்கிற உணர்வை அவருடைய ஒளிப்பதிவும், ஜோகனின் பின்னணி இசையும் உண்டாக்கி விடுகிறது.

தன் காதலிக்காகத்தான் செயின் பறிப்பு வேலையில் இறங்குகிறான் சத்யா. அவளையே ஒரு கட்டத்தில் வெறுத்து ஒதுக்கிற அளவுக்கு குவியும் பணம் அவனது குணத்தை மாற்றுகிறது என்றால் இந்தப் படத்தை பார்க்கும் இளைஞர்களின் மனநிலையும் எதை நோக்கிப் போகும் என்பதை இயக்குநர் கவனிக்க மறந்திருக்கிறார்.

இருந்தாலும் சென்னை போன்ற மெட்ரோ சிட்டிகளில் சர்வ சாதாரணமான நடக்கும் செயின் பறிப்பு சம்பவங்களில் இருந்து மக்களை உஷார் படுத்த முயற்சித்திருக்கிறார். அந்த எண்ணத்துக்கு ஒரு ஸ்பெஷல் பாராட்டு!

மெட்ரோ – உஷார்!

0 1421

வடசென்னையை மையப்படுத்தி வந்திருக்கும் அடுத்த படம் இது. கேங்ஸ்டர் கதைதான். ஆனால் கொஞ்சம் நகைச்சுவையாக கொடுத்திருக்கிறார்கள்.

த்தத்தைக் கண்டாலே வலிப்பு வரும் அளவுக்கு போபியோ நோய் உள்ளவர் ஹீரோ ஜி.வி.பிரகாஷ். இவரது அப்பா, தாத்தா இருவருமே அந்தக் காலத்து ரவுடிகள். ஆனால் இவருக்கு மட்டும் ரவுடியிஸம் செட்டாகவில்லை. அதே ராயபுரத்தை ஆட்டிப் படைத்துக் கொண்டிருக்கும் தாதா ‘நைனா’ என்னும் சித்தப்பு சரவணன். மீனவர் சங்கத் தலைவர், துறைமுகத்தின் அதிகாரிகள், தொகுதி எம்.எல்.ஏ. என்று பலரையும் கைக்குள் வைத்திருக்கும் இந்த நைனாவுக்கு ராயுபரத்திலேயே ஒரு எதிரி உருவாகிறான்.
பெண்களைக் கடத்தி வெளிநாடுகளுக்கு கப்பலில் அனுப்பி வைத்தால் நிறைய பணம் சம்பாதிக்க வாய்ப்பிருப்பதாகச் சொல்கிறான். சரவணன் அதைத் தடுத்து “வேற வேலைய பார்” என்று சொல்லியனுப்ப.. கோபத்தில் அவன் தனது ஆட்களை அனுப்பி சரவணனை கொலை செய்ய முயல்கிறான்.

நெஞ்சில் விழுந்த வெட்டுக்குத்துடன் உயிர் தப்பிய சரவணன் இப்போதுதான் தனது வாழ்க்கையை கொஞ்சம் ரீவைண்ட் செய்து பார்க்கிறார். தனக்கிருக்கும் ஒரே மகள், மனைவி, குடும்பத்தினர் தனக்குப் பின்பு என்ன ஆவார்களோ என்று பயப்படுகிறார். தனக்குப் பின்பு இந்த ராயபுரத்திற்கு யார் நைனாவாக அமர்வது என்று யோசிக்கிறார். இதற்கெல்லாம் ஒரே தீர்வாக தனது மகள் ஆனந்திக்கு எதற்கும் அஞ்சாத ஒரு ரவுடியை கல்யாணம் செய்துவைத்துவிட்டு அவனையே ராயபுரத்திற்கு நைனாவாக்கிவிடலாம் என்று நினைக்கிறார். இதற்காக அந்தப் பகுதி முழுவதிலும் எதற்கும் அஞ்சா சிங்கத்தைத் தேடி நாயாய், பேயாய் அலைகிறார்கள் அடியாட்கள்.

இதற்கு முன்பாகவே ஆனந்தியை பார்த்துவிடும் ஜி.வி.பிரகாஷ் அவர் மீது காதல் கொண்டு அலைகிறார். ஆனந்தி தங்கியிருக்கும் ஹாஸ்டலுக்குள் போய் அவளை பார்க்க முயல்கிறார். அதே நேரம் அதே ஹாஸ்டலில் இருக்கும் ஒரு பெண்ணைத் தூக்க கடத்தல்காரர்களும் நுழைகிறார்கள். அதே நேரம் அதே இடத்திற்கு சரவணனை வெட்டியவனும் வர… அவனைத் தூக்க சரவணனும் ஆட்களை அனுப்புகிறார்.

மின் சப்ளையை துண்டித்தவுடன் கிடைத்த கேப்பில் யாரோ சரவணனின் எதிரியை போட்டுத் தள்ள.. இந்தப் படுகொலையை ஜி.வி.பிரகாஷ்தான் செய்திருக்கிறார் என்று நினைக்கிறார்கள் சரவணனின் அடியாட்கள். இதனால் ஜி.வி.பிரகாஷ் மிகப் பெரிய ரவுடி என்று நினைத்து சரவணனிடம் அவரைப் பற்றி மாற்றிச் சொல்ல.. சரவணன் பிரகாஷை வரவழைத்துப் பேசுகிறார்.
தனது காதலியின் அப்பாவே முன் வந்து பேசுகிறார் என்பதால் ஜி.வி.பிரகாஷும் இதற்கு ஒப்புக் கொள்ள.. கல்யாணத்தில் முடிகிறது. இந்த நேரத்தில் ஜி.வி.பிரகாஷின் ரத்த போபியோ ஆனந்திக்கும், சரவணனுக்கும் தெரிய வருகிறது. சரவணனை மீண்டும் ஒரு முறை கொலை செய்ய முயற்சிகள் நடக்கிறது. ராயபுரத்தில் இருந்தே சரவணனை குடும்பத்துடன் துரத்த அடியாட்கள் கொலை வெறியுடன் அலைய.. இந்தப் பிரச்சினையில் இருந்து ஜி.வி.பிரகாஷும், அவரது குடும்பமும் எப்படி தப்பிக்கிறார்கள் என்பதுதான் திரைக்கதை.

கேங்ஸ்டர் கதை என்றாலும் அதற்குண்டான திரைக்கதையில், இடையிடையே நகைச்சுவைத் துணுக்குகளையும் சேர்த்து அவ்வப்போது சிரிக்க வைத்திருக்கிறார் இயக்குநர். ஜி.வி.பிரகாஷின் உடல்வாகு, அவரது நடிப்புத் திறன் இதற்கேற்றாற்போல் பெரிய மாஸ் ஹீரோவாக அவரை ஆக்காமல் காமெடி ஹீரோவாகவே உருவாக்கியிருக்கிறார் இயக்குநர். சரவணனும், யோகி பாபு, கருணாஸ், வில்லனாக நடித்த லாரன்ஸ் ஆகியோர் நடித்தவைதான். உண்மையாகவே இவர்கள் சம்பந்தப்பட்ட காட்சிகளில் நகைச்சுவையையும் தாண்டி கேங்ஸ்டர் கதையாகவே படம் சீரியஸாகவே நகர்கிறது. இவர்கள் இல்லாத காட்சிகளில்தான் நகைச்சுவையாகத் தெரிகிறது.

கடைசி கட்டத்தில் வரும் மொட்டை ராஜேந்திரன், மன்சூர் அலிகான், பொன்னம்பலம் என்ற மூவர் கூட்டணியின் அலம்பல்களும், சுவையான திரைக்கதையும் படத்தை நல்லவிதமாக முடிக்க வைத்திருக்கிறது. ஒட்டு மொத்தமாகப் பார்க்கப் போனால் தியேட்டரில் 2 மணி நேர எண்ட்டெர்டெயின்மெண்ட்டுக்கு இந்தப் படம் உத்தரவாதம் என்பது மட்டும் உண்மை.

0 1356

டஜன் கணக்கில் தெரிந்த முகங்களை வைத்துக் கொண்டு எடுக்கின்ற படங்களே சில நேரங்களில் ரசிகர்களை தலைமுடியை பிய்த்துக் கொண்டு தியேட்டரை விட்டு ஓட வைக்கும்.

ஆனால் வெறும் இரண்டே இரண்டு கேரக்டர்களை மட்டும் முழுப்படத்திலும் உலவ விட்டு ஒரு சுவாரஷ்யமான த்ரில்லர் படமாக தர முயற்சித்திருக்கிறார் புதுமுக இயக்குநர் ராமநாதன்.

படத்தில் வருகிற இரண்டு கதாபாத்திரங்களில் ஒருவர் இயக்குநர் ராமநாதன். இன்னொருவர் நாயகி சவுரா சையத்.

முன்னாள் நாயகியின் மகளான செளரா சையத் ஒரு படத்தில் நடிப்பதற்காக செல்கிறார். காட்டுப் பகுதியில் நடக்கும் அந்தப் படத்தின் படப்பிடிப்பில் அவருக்கு நடிப்பே வரவில்லை என்று சொல்லவும் கோபத்தில் காரை எடுத்துக் கொண்டு கிளம்புகிறார். வருகிற வழியில் கார் மக்கர் செய்ய, அந்த வழியே வரும் ராமநாதன் செளரா சையத்துக்கு காரில் லிப்ட் கொடுத்து தனது காட்டுப் பங்களாவுக்கு கூட்டிச் செல்கிறார்.

”இன்னைக்கு நைட் நீ இங்க தங்கிக்க உன்னோட கார் ரெடியான உடனே நீ கெளம்பலாம்” என்று சொல்லும் அவர் தான் ஒரு இயக்குநர் என்றும், உன் அம்மாவை ஒருதலையாக காதலித்தவன் என்றும் சொல்கிறார்.

முதலில் அமைதியாகவும், அன்பாகவும் பழகும் அவர் நேரம் செல்லச் செல்ல, அவளுக்கு பிரம்படி கொடுப்பது, கைகளில் விலங்கிட்டு ரூமுக்குள் அடைத்துப் போடுவதுமாக என முரட்டுத் தனமாக நடந்து கொள்ள ஆரம்பிக்கிறார். இதனால் அதிர்ச்சியடையும் செளராவுக்கு எப்படியாவது அவரிடமிந்து தப்பித்தால் போதும் என்கிற நிலை!

அவரின் அந்த பரிதாப நிலைக்கு விடுதலை கிடைத்ததா? ராமநாதன் ஏன் அவளிடம் முரட்டுத் தனமாக நடந்து கொண்டார்? என்பதை ரசிகர்கள் எதிர்பார்க்காத கிளைமாக்ஸோடு முடித்திருக்கிறார்கள்.

நாயகியாக நடித்திருக்கும் செளரா சையத்துக்கு இது முதல் படமா? காட்சிக்கு காட்சி இயல்பான நடிப்பை வெளிப்படுத்தியிருக்கும் அவர் முகத்துக்கு நேராக வைக்கப்படும் க்ளோசப் காட்சிகளில் கூட பதட்டத்தைக் காட்டாமல் நடித்திருப்பது தமிழ்சினிமாவுக்கு நல்வரவு.

கிட்டத்தட்ட செளரா சையத்துக்கு ஒரு அப்பா இருந்தால் என்ன வயது இருக்குமோ அந்த வயது கேரக்டரில் வருகிறார் இயக்குநர் ராமநாதன். ( நிஜத்திலும் அவருக்கு அவ்ளோ வயசு தான் இருக்கும் போல(?))

ஒரு இளம்பெண் சரக்கடித்து விட்டு கொடுக்கும் அத்தனை குடைச்சல்களையும் பொறுத்துக் கொண்டு அமைதியாக இருக்கிற காட்சிகளாகட்டும், அவரே அதே பெண்ணை பிரம்பால் அடிக்கும் போது காட்டும் கொடூரமாகட்டும் இரண்டிலும் ஒரு நடிகராக ஜெயித்திருக்கிறார் ராமநாதன்.

முழுப்படத்தையும் ஒரே ஒரு வீட்டுக்குள்ளேயே நகர வைக்கும் இயக்குநரின் முயற்சிக்கு விதவிதமான ஆங்கிள்களை வைத்து போரடிக்காத வண்ணம் பெரிதும் கை கொடுத்திருக்கிறது ராஜேஷ் கடம்கோடேவின் ஒளிப்பதிவு.

படத்தில் ‘பாயும் ஒளி நீ எனக்கு’ என்கிற ஒரே ஒரு பாடல் தான். என்றாலும் பின்னணி இசையில் ஒரு த்ரில்லர் படத்தாக திடுக்கிடலை திரையில் காட்டுகிறார் இசையமைப்பாளர் விவேக் நாராயண். இருந்தாலும் பல காட்சிகளில் வசனங்களே கேட்க முடியாதபடி அதிக சத்தத்தில் பின்னணி இசையை ஓடவிட்டதை தவிர்த்திருக்கலாம்.

இரண்டே இரண்டு கதாபாத்திரங்களை வைத்துக் கொண்டு படத்தை எவ்வளவு தூரத்துக்கு சுவாரஷ்யமாக தர முடியுமோ அவ்வளவு தூரத்துக்கு மெனக்கிட்டிருக்கிறார் இயக்குநர் ராமநாதன். ஆனால் ‘வித்தையடி நானுனக்கு’ என்று அழகான தமிழ்ப்பெயரை படத்துக்கு வைத்துவிட்டு பெரும்பாலான காட்சிகளிலும் அவரும் நாயகியும் ஆங்கிலத்திலேயே தத்து பித்தென்று பேசிக்கொள்வதை மன்னிக்கவே முடியாது டைரக்டர் சார்…!!!

என்னாது படம் முழுக்க ரெண்டே ரெண்டு கேரக்டர்கள் தானா? என்று அதிசயிக்கும் ரசிகர்கள் அசராமல் ரசிக்கலாம்.

வித்தையடி நானுனக்கு – வரவேற்க வேண்டிய முயற்சி!

0 1188

டஜன் கணக்கில் தெரிந்த முகங்களை வைத்துக் கொண்டு எடுக்கின்ற படங்களே சில நேரங்களில் ரசிகர்களை தலைமுடியை பிய்த்துக் கொண்டு தியேட்டரை விட்டு ஓட வைக்கும்.

ஆனால் வெறும் இரண்டே இரண்டு கேரக்டர்களை மட்டும் முழுப்படத்திலும் உலவ விட்டு ஒரு சுவாரஷ்யமான த்ரில்லர் படமாக தர முயற்சித்திருக்கிறார் புதுமுக இயக்குநர் ராமநாதன்.

படத்தில் வருகிற இரண்டு கதாபாத்திரங்களில் ஒருவர் இயக்குநர் ராமநாதன். இன்னொருவர் நாயகி சவுரா சையத்.

முன்னாள் நாயகியின் மகளான செளரா சையத் ஒரு படத்தில் நடிப்பதற்காக செல்கிறார். காட்டுப் பகுதியில் நடக்கும் அந்தப் படத்தின் படப்பிடிப்பில் அவருக்கு நடிப்பே வரவில்லை என்று சொல்லவும் கோபத்தில் காரை எடுத்துக் கொண்டு கிளம்புகிறார். வருகிற வழியில் கார் மக்கர் செய்ய, அந்த வழியே வரும் ராமநாதன் செளரா சையத்துக்கு காரில் லிப்ட் கொடுத்து தனது காட்டுப் பங்களாவுக்கு கூட்டிச் செல்கிறார்.

”இன்னைக்கு நைட் நீ இங்க தங்கிக்க உன்னோட கார் ரெடியான உடனே நீ கெளம்பலாம்” என்று சொல்லும் அவர் தான் ஒரு இயக்குநர் என்றும், உன் அம்மாவை ஒருதலையாக காதலித்தவன் என்றும் சொல்கிறார்.

முதலில் அமைதியாகவும், அன்பாகவும் பழகும் அவர் நேரம் செல்லச் செல்ல, அவளுக்கு பிரம்படி கொடுப்பது, கைகளில் விலங்கிட்டு ரூமுக்குள் அடைத்துப் போடுவதுமாக என முரட்டுத் தனமாக நடந்து கொள்ள ஆரம்பிக்கிறார். இதனால் அதிர்ச்சியடையும் செளராவுக்கு எப்படியாவது அவரிடமிந்து தப்பித்தால் போதும் என்கிற நிலை!

அவரின் அந்த பரிதாப நிலைக்கு விடுதலை கிடைத்ததா? ராமநாதன் ஏன் அவளிடம் முரட்டுத் தனமாக நடந்து கொண்டார்? என்பதை ரசிகர்கள் எதிர்பார்க்காத கிளைமாக்ஸோடு முடித்திருக்கிறார்கள்.

நாயகியாக நடித்திருக்கும் செளரா சையத்துக்கு இது முதல் படமா? காட்சிக்கு காட்சி இயல்பான நடிப்பை வெளிப்படுத்தியிருக்கும் அவர் முகத்துக்கு நேராக வைக்கப்படும் க்ளோசப் காட்சிகளில் கூட பதட்டத்தைக் காட்டாமல் நடித்திருப்பது தமிழ்சினிமாவுக்கு நல்வரவு.

கிட்டத்தட்ட செளரா சையத்துக்கு ஒரு அப்பா இருந்தால் என்ன வயது இருக்குமோ அந்த வயது கேரக்டரில் வருகிறார் இயக்குநர் ராமநாதன். ( நிஜத்திலும் அவருக்கு அவ்ளோ வயசு தான் இருக்கும் போல(?))

ஒரு இளம்பெண் சரக்கடித்து விட்டு கொடுக்கும் அத்தனை குடைச்சல்களையும் பொறுத்துக் கொண்டு அமைதியாக இருக்கிற காட்சிகளாகட்டும், அவரே அதே பெண்ணை பிரம்பால் அடிக்கும் போது காட்டும் கொடூரமாகட்டும் இரண்டிலும் ஒரு நடிகராக ஜெயித்திருக்கிறார் ராமநாதன்.

முழுப்படத்தையும் ஒரே ஒரு வீட்டுக்குள்ளேயே நகர வைக்கும் இயக்குநரின் முயற்சிக்கு விதவிதமான ஆங்கிள்களை வைத்து போரடிக்காத வண்ணம் பெரிதும் கை கொடுத்திருக்கிறது ராஜேஷ் கடம்கோடேவின் ஒளிப்பதிவு.

படத்தில் ‘பாயும் ஒளி நீ எனக்கு’ என்கிற ஒரே ஒரு பாடல் தான். என்றாலும் பின்னணி இசையில் ஒரு த்ரில்லர் படத்தாக திடுக்கிடலை திரையில் காட்டுகிறார் இசையமைப்பாளர் விவேக் நாராயண். இருந்தாலும் பல காட்சிகளில் வசனங்களே கேட்க முடியாதபடி அதிக சத்தத்தில் பின்னணி இசையை ஓடவிட்டதை தவிர்த்திருக்கலாம்.

இரண்டே இரண்டு கதாபாத்திரங்களை வைத்துக் கொண்டு படத்தை எவ்வளவு தூரத்துக்கு சுவாரஷ்யமாக தர முடியுமோ அவ்வளவு தூரத்துக்கு மெனக்கிட்டிருக்கிறார் இயக்குநர் ராமநாதன். ஆனால் ‘வித்தையடி நானுனக்கு’ என்று அழகான தமிழ்ப்பெயரை படத்துக்கு வைத்துவிட்டு பெரும்பாலான காட்சிகளிலும் அவரும் நாயகியும் ஆங்கிலத்திலேயே தத்து பித்தென்று பேசிக்கொள்வதை மன்னிக்கவே முடியாது டைரக்டர் சார்…!!!

என்னாது படம் முழுக்க ரெண்டே ரெண்டு கேரக்டர்கள் தானா? என்று அதிசயிக்கும் ரசிகர்கள் அசராமல் ரசிக்கலாம்.

வித்தையடி நானுனக்கு – வரவேற்க வேண்டிய முயற்சி!

0 1204

வெவ்வேறு குணாதிசயம் கொண்ட மூன்று பெண்கள். அவர்கள் திருமணம் என்கிற பந்தத்துக்குள் நுழையத் தயாராகும் போது அது எந்தளவுக்கு அவர்கள் வாழ்க்கையிலும், அவர்கள் சார்ந்த குடும்பத்தார் வாழ்க்கையிலும் தாக்கத்தை ஏற்படுத்துகிறது என்பதே இந்த ”ஒரு நாள் கூத்து.”

இன்றைக்கும் தினசரி பேப்பர்களிலும், வார, மாத இதழ்களிலும், இன்டர்நெட்டுகளிலும் வரன் தேடும் விளம்பரங்களை லட்சக்கணக்கில் நாம் பார்க்க முடிகிறது. அந்த ஒரு நாள் சுப நிகழ்ச்சிக்காக ஒவ்வொரு குடும்பமும் என்னென்ன சோதனைகளை சந்திக்கிறது? என்று சமூகத்தில் நடந்த சில சம்பவங்களை கதையாக்கி தந்திருக்கிறார்கள்.

ரேடியோ ஜாக்கியாக இருக்கும் ரித்விகாவுக்கு ஜாதகம் பொருந்தவில்லை உள்ளிட்ட சில காரணங்களால் திருமணம் தள்ளிக்கொண்டே போகிறது.

அதிர்ந்து கூட பேசாத இன்னொரு நாயகி மியா ஜார்ஜின் திருமணம் ‘எம்பொண்ணுக்கு நல்ல பையன் கெடைப்பான்’ என்கிற வாத்தியார் அப்பாவின் பழமை ஊறிய முரட்டு பிடிவாதத்தினாலேயே தாமதமாகிறது.

ஐடி கம்பெனியில் தன்னுடன் வேலை செய்யும் ஹீரோ தினேஷை காதலிக்கும் நிவேதா பெத்துராஜ் திருமணம் செய்து கொள்ளும்படி அவசரப்படுத்த, அவரோ ‘எனக்குன்னு சில கடமைகள் இருக்கு’ என்று நழுவுகிறார். இதனால் நிவேதாவின் திருமணமும் தள்ளிப்போகிறது.

இந்த மூன்று பெண்கள் வாழ்க்கையிலும் அவர்கள் ஆசைப்பட்டபடி மாப்பிள்ளை அமைந்தார்களா? இல்லையா? என்பதையே நிஜ வாழ்க்கையில் நாம் பார்த்த சில சம்பவங்களோடு படமாக்கித் தந்திருக்கிறார் இயக்குநர் நெல்சன் வெங்கடேசன்.

அழுக்குச் சட்டையும், எண்ணைய் படியாத தலைமுடியுமாகத்தான் இருப்பார் என்கிற ரெகுலர் லுக்கை இதில் அடியோடு மாற்றி செம ஸ்மார்ட் பாயாக வருகிறார் ஹீரோவாக வரும் ‘அட்டகத்தி’ தினேஷ். நிவேதாவுடனான காதல் கெமிஸ்ட்ரியில் பெருசா ஒர்க்-அவுட் ஆகவில்லை என்கிற குறை இருந்தாலும் இயல்பான நடிப்பில் சிக்ஸர் அடிக்கிறார்.

நீ வீடு வாங்குங்குறே… உங்க அப்பா கார் வாங்குங்கிறார்… உன்னை கல்யாணம் பண்றதுக்கு நான் ஒருத்தன் இருந்தா போதாதா… என்று தினேஷ் பேசுகிற காட்சி பொறுப்பை சுமந்து நிற்கின்ற ஒவ்வொரு இளைஞனின் நிஜ வலி.

தினேஷ் ஜோடியாக வரும் நிவேதா பெத்துராஜ் ஆள் எந்தளவுக்கு உசரமோ அந்தளவுக்கு நடிப்பிலும் நம் மனசுக்குள் உசரமான இடத்தில் உட்கார்ந்து கொள்கிறார்.

அப்பாவின் முகத்தைக் கூட நேருக்கு நேர் பார்த்துப் பேசப்பயப்படும் கட்டுக்கோப்பான குடும்பப் பெண்ணாக வருகிறார் மியா ஜார்ஜ். ஒவ்வொரு மாப்பிள்ளை வரும் போதும் தானாகவே தயாராகி வந்து நிற்கும் போதெல்லாம் ”இந்த மாப்பிள்ளையாவது இவருக்கு செட்டாகி விடக்கூடாதா கடவுளே…” என்று ரசிகர்களையே பரிதாப்பட வைக்கிறார். திருமண வயதைத் தாண்டி நிற்கின்ற பெண்களின் மன உணர்ச்சிகளையும் முகத்தில் வெளிப்படுத்துவது அபாரம்.

மீடியாவுல வேலை பார்க்கிற பொண்ணுங்க எல்லாம் அப்டி இப்டின்னு சொல்வாங்களே? என்று தன்னை பெண் பார்க்க வரும் மாப்பிள்ளை கேட்கும் போது ”கோயிலை சுத்தி வர்றப்போ நாம மனசுக்குள்ள என்ன நெனைக்கிறோம்கிறது தான் முக்கியம். கெட்டதை நெனைச்சா அது கெட்டது. நல்லதை நெனைச்சா அது நல்லது” என்று மீடியாவில் வேலை செய்யும் பெண்களுக்காக பரிந்து பேசுகிறார் ரித்விகா.

அவரே இன்னொரு காட்சியில் சக ஆர்ஜேவான ரமேஷ் திலக் உடன் திருமணத்துக்கு முன்பே ரூமில் தப்பு செய்து விட்டு ”ச்ச்சே… இவ்வளவு தானா வாழ்க்கை” என்று பஞ்ச் பேசிவிட்டு மீடியாவில் வேலை செய்யும் பெண்கள் மீதான தப்பான பார்வையை உறுதிப்படுத்துகிறார். ( என்ன டைரக்டர் சார், இப்படி பண்ணிட்டேள்..?)

நிஜ வாழ்க்கையிலும் ஆர்.ஜே வாக இருந்ததாலோ என்னவோ படத்திலும் நிஜ ஆர்.ஜே போலவே நடிப்பை கொடுத்திருக்கிறார் ரமேஷ் திலக்.

பால சரவணனின் டைமிங் காமெடி கலகலப்புக்கு கியாரண்டி என்றால் கல்யாண வயசில் தங்கையை வைத்திருக்கும் அண்ணன்களின் நிலையை அற்புதமாக வெளிப்படுத்தியிருக்கிறார் கருணாகரன். கூடவே வரும் சார்லியை 40 வயதைக் கடந்தும் திருமணம் ஆகாமல் இருக்கும் அத்தனை ஆண்களுக்கும் ரொம்பவே பிடித்துப் போகும்.

ஜஸ்டின் பிரபாகரனின் இசையில் ‘அடியே அழகே…’ ‘எப்போ வருவாரோ…’ ‘மாங்கல்யம் தந்துனா…’ என பாடல்கள் அத்தனையும் சுகமான ராகங்கள்! அவ்வப்போது வரும் மேள தாள இசையுடன் கூடிய பின்னணி இசை சரியான தீனி. கோகுலின் ஒளிப்பதிவில் எல்லா காட்சிகளும் கண்ணை உறுத்தாத கலர்புல் காட்சிகள்.

நிஜ ரேடியோ ஸ்டேஷன் போலவே பிரமிப்பை ஏற்படுத்துகிறது கலை இயக்குநர் போட்டிருந்த பக்காவான ரேடியோ ஸ்டேஷன் செட்!

மூன்று கதாப்பாத்திரங்களை மையப்படுத்தி நகரும் திரைக்கதையில் கொஞ்சம் கூட குழப்பமில்லாமல் வெட்டி ஒட்டிய எடிட்டர் சாபு ஜோசப்புக்கு ஒரு ஸ்பெஷல் பாராட்டு!

”நீ பொய் சொல்லல ஆனா நிஜத்தை உன்னால சொல்லவே முடியாது” ”புடிச்சத செய் நீ செத்ததுக்கப்புறம் யாரும் உனக்கு சிலை வைக்கப்போறதில்லை.” என வாழ்க்கையின் நிஜத்தை பேசும் வசனங்கள் படத்தின் விறுவிறுப்புக்கு கூடுதல் பலம்.

நிச்சயிக்கப்பட்ட திருமணத்தில் மட்டுமல்ல காதல் திருமணம் கூட இந்தக் காலத்தில் பிரச்சனைகள் சூழ்ந்தது தான். படம் முடிந்து வெளியில் வருகிற ஒவ்வொருவரின் மனசுக்குள்ளும் அவர்கள் நிஜ வாழ்க்கையில் சந்தித்த ஏதாவது ஒரு சம்பவங்களில் ஏதாவது ஒன்றை படத்தின் ஏதாவது ஒரு காட்சியோடு
பொருத்திப் பார்க்க வைத்து விடுகிறார் அறிமுக இயக்குநர் நெல்சன் வெங்கடேசன்!

ஒரு நாள் கூத்து – வாழ்க்கை விளையாட்டு!

0 1209

மோமன்ட் என்டர்டெயின்மென்ட் சார்பாக G.A.ஹரி கிருஷ்ணன் மற்றும் “தி ஹிந்து” ரங்கராஜன் அவர்களின் பேரன் ரோஹித் ரமேஷின் WTF எண்டர்டெயின்மெண்ட் நிறுவனத்துடன் இணைந்து தயாரித்த “மோ” படம் விரைவில் வெளியாகவுள்ளது.

இந்நிலையில் மோமன்ட் என்டர்டெயின்மென்ட் சார்பாக G.A.ஹரி கிருஷ்ணன் புதிய படமொன்றை பிரம்மாண்டமான முறையில் தயாரிக்கவுள்ளார்.

நயன்தாரா நடிப்பில் வெளிவந்து அனைவரின் பாராட்டையும் பெற்று வசுலில் சாதனை படைத்த மாயா படத்தின் இயக்குனர் அஸ்வின் சரவணன் இந்த படத்திற்கு கதை திரைக்கதை வசனம் எழுதி இயக்கவுள்ளார்.

தனது முதல் படத்திலேயே முத்திரை பதித்த இயக்குனர், விரைவில் முத்திரைப் பதிக்கவிருக்கும் தயாரிப்பு நிறுவனத்துடன் இணைவது ரசிகர்களிடையே எதிர்பார்ப்பை கூட்டியுள்ளது.

இன்னும் பெயரிடப்படாத இப்படத்திற்கான நடிகர் நடிகையர் மற்றும் தொழில்நுட்ப கலைஞர்கள் விவரம் விரைவில் அறிவிக்கப்படும் என்று தயாரிப்பு தரப்பு கூறியுள்ளது.

தயாரிப்பாளர் G.A.ஹரி கிருஷ்ணன், இயக்குனர் கார்த்திக் சுப்பராஜ் இயக்கிய ஜிகர்தண்டா படத்திலும் காக்கா முட்டை படத்தை இயக்கிய மணிகண்டன் இயக்கத்தில் விஜய் சேதுபதி நடிப்பில் உருவாகிவரும் ஆண்டவன் கட்டளை உள்ளிட்ட பல படங்களுக்கு தயாரிப்பு மேற்பார்வையாளராக பணிபுரிந்தவர் என்பது குறிப்பிடதக்கது.

0 819

ஜாதி சங்கத்தை அரசியல் கட்சியாக மாற்றி, அதன் மூலம் எம்.எல்.ஏ-வாக நினைக்கும் சங்க நிர்வாகி, அதற்காக போடும் சதி திட்டத்தில், கல்லூரி மாணவர்கள் சிலரை சிக்க வைக்க, அதில் பலியாகும் மாணவனின் மரணத்திற்கு பழி வாங்க துடிக்கும் சில மாணவர்கள் அதில் வெற்றி பெற்றார்களா இல்லையா, என்பது தான் கதை.

1999ஆம் ஆண்டு கதை நடக்கிறது. அப்போது டாஸ்மாக் இல்லை, தனியாரிடம் தான் சில்லறை மது விற்பனை இருந்தது. இந்த படத்திலும் அப்படி ஒரு மது விற்பனை நிலையம். கல்லூரி அருகே இருப்பதால், ஹாஸ்டலில் தங்கும் கல்லூரி மாணவர்கள், அடிக்கடி அந்த மது கடையில் மது குடிப்பது, தாபாவில் உணவு உண்பது என்று இருப்பதோடு, அங்கே இருக்கும் சிலரோடு மோதலில் ஈடுபட்டு வருகிறார்கள்.

இப்படியே முழு படமும் நகர்கிறது. அதாவது, மாணவர்கள் மது குடிக்கிறார்கள், பிறரை அடிக்கிறார்கள். பிறகு மாணவர்கள் அடி வாங்குகிறார்கள், அடி கொடுக்கிறார்கள், இப்படியே படம் முழுவதும் காட்சிகள் நகர்வது, படத்தின் வேகத்திற்கு பிளாசாக இருந்தாலும், இந்த குடியும் அடியும் படத்திற்கு மிகப்பெரிய மைனஸ்.

கல்லூரி மாணவர்களாக நடித்துள்ள விஜயகுமார் உள்ளிட்ட நான்கு புதுமுகங்களும் எதார்த்தமாக நடித்துள்ளார்கள். சக மாணவர்களுக்கு பிரச்சினை என்றால் கத்தி, கபடா, கட்டை என்று எடுத்துக்கொண்டு மல்லு கட்டும் இடத்திலும், சக மாணவனின் அம்மாவுக்காக ரூமை மாற்றும் இடத்திலும், கல்லூரி மாணவர்களாகவே வாழ்ந்துள்ளார்கள்.

வில்லனாக நடித்துள்ள மைம் கோபியின் நடிப்பு எதார்த்தம். அதிலும், தனது தொழிலுக்காக அவர் அடங்கி போகும் இடத்தில், நடிப்பில் அப்ளாஸ்களை அல்லுகிறார். எந்தவிதத்திலும், ஓவர் ஆக்டிங் இல்லாமல், தனது கதாபாத்திரத்தை ரசிகர்கள் கவனிக்க வைப்பதில் மைம் கோபி, முதல் மார்க் வாங்கி விடுகிறார்.

அதிலும், காதலை கையாண்ட விதம், அந்த காதலிக்கு ஏற்படும் பிரச்சினை, பிறகு அதை வைத்து நடக்கும் அரசியல் சதி, என்று படம் படு வேகமாக நகர்கிறது.

கல்லூரி ஹாஸ்டல் தான் கதையின் களம் என்ற போதிலும், கல்லூரியில் மாணவர்கள் செய்யும் குறும்பு, ஹாஸ்டல் வாழ்க்கையும் குறைவாக காண்பித்துவிட்டு, மது குடிப்பதையும், சண்டைப்போடுவதையும் அதிகமாக காண்பித்திருப்பதை தவிர்த்திருந்தால், ‘உறியடி’ நெத்தியடியாக இருந்திருக்கும்.

0 824

பரம்பரை பகையால் ரெண்டு பட்டு கிடக்கும் சொந்த ஊரை தங்களது வாரிசுகளை வைத்து ஒன்றிணைக்க முயற்சிக்கும் இரண்டு குடும்பங்களின் கதை தான் இந்த ‘உன்னோடு கா’.

ஐந்து தலைமுறைகளாக பகையை வளர்த்துக் கொண்டு கிராமத்தில் வசிக்கும் இரண்டு பெரிய குடும்பங்களைச் சேர்ந்த பிரபுவும், தென்னவனும் திக் ப்ரெண்ட்ஸ்.

இந்த ஊரில் இருந்தால் நம் நட்புக்கு இடைஞ்சல் தான் என்று கருதும் இருவரும் கிராமத்திலிருந்து எஸ்கேப் ஆகி சென்னைக்கு வந்து பக்கத்து பக்கத்து வீட்டில் வசிக்கிறார்கள்.

வளரும் தங்கள் வாரிசுகளான நாயகன் ஆரிக்கும், நாயகி மாயாவுக்கும் திருமணம் செய்து வைத்து விட்டால் கிராமத்து பகைக்கு முற்றுப்புள்ளி வைத்து விடலாம் என்று நினைக்கிறார்கள்.

ஆனால் வாரிசுகளோ எப்போது பார்த்தாலும் பூனையும் – எலியுமாக, கீரியும் – பாம்புமாக இருக்கிறார்கள்.

அந்த மோதல் மூடு மாறி காதல் ஜோடி ஒன்று சேர்ந்ததா? பரம்பரை பகை தீர்ந்ததா? என்பதே கிளைமாக்ஸ்.

நாயகனான ஆரி! காமெடி கலந்த கேரக்டரில் பார்ப்பது ரசிகர்களுக்கு ரொம்பப் புதுசு. நாயகி மாயாவுடனான செல்லச் சண்டைகளாகட்டும், அவருடனான ரொமான்ஸ் காட்சிகளாகட்டும் ரொம்பவே நெருக்கம் காட்டியிருக்கிறார்.

நாயகியாக வரும் மாயா ஆள் தான் கொஞ்சம் குள்ளமே தவிர, கன்னத்தை கிள்ள வைக்கிற ‘சோ… க்யூட்’ அழகி தான். ஆரியுடன் நடுரோட்டில் கட்டி புரண்டு சண்டைப் போடும் காட்சியில் சீரியஸ் என்றால், ‘நம்பிக்கை அதானே எல்லாம்’ என்று பிரபுவிடமே டயலாக் பேசுகிற இடத்தில் செம கலாய் காமெடி!

இன்னொரு காதல் ஜோடியாக வருகிறார்கள் பால சரவணன் – மிஷா கோஷல். மிஷா கோஷலின் அப்பா மன்சூர் அலிகான் என்றால் காமெடிக்கு கேட்க வேண்டுமா? இவர்களோடு பிரபு, ஊர்வசி, ஸ்ரீ ரஞ்சனி, சாமியாராக வரும் எம்.எஸ்.பாஸ்கர் என எல்லா கேரக்டரையும் காமெடி செய்ய வைத்து ரசிகர்களை ‘சிரிக்க சிரிங்க சிரிச்சுக்கிட்டே இருங்க’ வாக்குகிறார்கள்.

சத்யாவின் இசையில் பாடல்கள் இனிமை. பின்னணி இசை பரவாயில்லை. கிராமத்து மண்ணின் அழகியலையும், புழுதி கிளப்பும் பகைமையையு தனது கேமராவில் இயல்பு மாறாமல் தந்திருக்கிறார் ஒளிப்பதிவாளர் சக்தி சரவணன்.

கதையை எழுதியிருப்பவர் இப்படத்தின் தயாரிப்பாளர் அபிராமி ராமநாதன். ஆணவக் கொலைகளும், கெளரவக் கொலைகளும் அதிகரித்து விட்ட இந்த கால கட்டத்தில் சரியான படிப்பினையாக வந்திருக்கிறது இந்தப்படம். அதை சீரியஸாக சொல்லாமல் போகிற போக்கில் காமெடியாகச் சொன்ன அறிமுக இயக்குநர் ஆர்.கேவுக்கு ஒரு ஸ்பெஷல் பாராட்டு.