G. V. Prakash (Rocket Raja), who is a lethargic guy, which he made a gang of friends and with all sorts miscellaneous Rocket  seizes all vehicles to help a pawnbroker. On another side, MG Rajendran (Parthiban), who is a humanitarian even die hard fan of MGR. Initially, both were Tom and Jerry until Rocket Raja’s father killed in a puzzled manner. 

In the parallel, Rocket Raja keeps affairs with a same area girl Kamala (Palak Lalwani), their love has been aggressive once matured lady enter in the slum Mary (Poonam Bajwa), which the young couple’s life puts upside down.

With the concept of slum dwellings and their lifetime struggling were stuffed in the  first half and in the second half an adverse consequences interrupt in the life of slum dwellers. Finally, Rocket Raja and Kamal love life getting into peaceful manner and wrongdoing were identified by the Rocket and Rajendran, both silently murdered the culprit.

சென்னை குப்பத்தில் வாழும் சில குடிசை வாசிகளின் வாழ்வில் நிகழும் அமைதியின்மையை சில சமூக விரோத சக்திகள் எவ்வாறு உருவாக்குகின்றன என்பதே படத்தின் கதை.படத்தின் நாயகனாக ஜி.வி.பிரகாஷ் குப்பத்து ராஜா ராக்கெட் என்ற கதாபாத்திரத்தில் நடித்துள்ளார். இவர்  சேட்டு கடையில் வண்டி சீஸ் செய்யும் வேலை செய்கிறார். குப்பத்தில் வாழ்ந்தாலும் குடிகார அப்பா எம்எஸ் பாஸ்கர், நண்பர்கள், காதலி என மகிழ்ச்சியாக இருக்கிறார்.ஆரம்பம் முதலே அந்த பகுதியில் பெரிய கையான பார்த்திபனுடன் ஜீவிக்கு அடிக்கடி மோதல் ஏற்படுகிறது. இதனால் ஊர் கவுன்சிலர், வேறு சில ரௌடிகளுடனும் அவருக்கு பகை வளர்கிறது.ஒரு சமயத்தில் எதிரிகள் கங்கணம் கட்டிக்கொண்டு ஜீவி பிரகாஷின் அப்பா எம்.எஸ்.பாஸ்கரை கொலை செய்துவிடுகிறாரகள். அதற்காக பார்த்திபன் உட்பட பலர் மீதும் சந்தேகப்படுகிறார் ஜீ.வி பிரகாஷ்.பார்த்திபன், படம் முழுக்க கையில் இரண்டு எம்ஜிஆர் புகைப்படம் போட்ட பெரிய மோதிரத்தோடு பந்தாவாக சுற்றுகிறார். எம்ஜிஆர் ரசிகர் என காட்டுவதால் என்னமோ அவரை மக்களுக்காக ஓடி ஓடி உழைப்பவர் போல காட்டியுள்ளார் இயக்குனர்.

எல்.வி.ஸ்ரீகாந்த் லக்‌ஷ்மன், எஸ்.என்.எழில், யுகேஷ்ராம் ஆகியோரது தயாரிப்பில், ராஜன் மாதவ் இயக்கத்தில், விதார்த், அஜ்மல், அசோக், ராதிகா ஆப்தே ஆகியோரது நடிப்பில் ‘உலா’ என்ற பெயரில் உருவான படம் தற்போது ‘சித்திரம் பேசுதடி 2’ என்ற தலைப்பில் வெளியாகியிருக்கிறது. வெஸ்ட் இண்டீஸ் கிரிக்கெட் வீரர் பிராவோ ஒரு பாடலுக்கு பாடி ஆட்டம் போட்டது இந்த படத்தில் தான் என்பது குறிப்பிடத்தக்கது.

தலைப்பு மாற்றத்தோடு பெரிய நட்சத்திர பட்டாளத்துடன் ஆக்‌ஷன் படமாக வெளியாகியிருக்கும் இப்படம் எப்படி என்பதை பார்ப்போம்.

விதார்த், அஜ்மல், நந்தன் லோகநாதன், நிவாஸ் ஆதித்தன், ராதிகா ஆப்தே ஆகிய 5 கதாபாத்திரங்களுக்கு இடையே நடக்கும் சம்பவங்கள் தான் படத்தின் மைய கரு. படத்தில் வரும் முக்கிய கதாபாத்திரங்கள் ஒருவருக்கொருவர் தொடர்பு இல்லை என்றாலும், அவர்கள் எதிர்கொள்ளும் பிரச்சினையால் ஏதோ ஒரு வகையில், ஒருவருக்கொருவர் தொடர்பு ஏற்பட, அதன் மூலமாகவும், மறைமுகமாகவும் அவர்களது பிரச்சினை எப்படி தீர்கிறது என்பது தான் திரைக்கதை.

இப்படத்தின் பலமே திரைக்கதையும், நடிகர்கள் தேர்வும் தான் என்பதை இயக்குநரை விடவும் படத்தின் தயாரிப்பாளர் ரொம்ப நல்லாவே புரிந்துக் கொண்டிருக்கிறார். அதனால் தான் இத்தகைய ஒரு படத்தையும் அவர் தயாரித்திருக்கிறார்.

கொலை செய்துவிட்டு தலைமறைவாக இருக்கும் விதார்த்தின் நடிப்பு ஒரு விதம் என்றால், அவருடன் இருந்துக் கொண்டே அவருக்கு எதிராக எதை வேண்டுமானலும் செய்ய ரெடியாக இருக்கும் அசோக்கின் நடிப்பு ஒரு விதத்தில் அசத்துகிறது. சொத்தை இழந்துவிட்டு பணத்திற்காக தவறான முயற்சியில் இறங்கும் அஜ்மல், கணவரை காப்பாற்ற போராடும் ராதிகா ஆப்தே என்று படத்தில் நடித்திருக்கும் அனைத்து நடிகர்களும் தங்களது திறமையை சிறப்பாக வெளிப்படுத்தியுள்ளார்கள்.

விலைமாதுவாக நடித்திருக்கும் நடிகையும், அவரை காதலிக்கும் நிவாஸ் ஆதித்தன், அவரது நண்பரான பிளேடு சங்கர், காயத்ரி, ஆடுகளம் நரேன், சுப்பு பஞ்சு, அழகம் பெருமாள் என்று படத்தில் ஏகப்பட்ட நட்சத்திரங்கள் இருந்தாலும், அனைவரும் ரசிகர்கள் மனதில் அழுத்தமாக பதியும் அளவுக்கு இயக்குநர் ராஜன் மாதவின் திரைக்கதை அமைந்திருக்கிறது.

ஷஜன் மாதவின் இசையில் பின்னணி இசையும், பாடல்களும் கேட்கும்படி இருக்கிறது. அதிலும், பிராவோ நடனம் ஆடும் “ஏண்டா…ஏண்டா…” பாடல் ஆட்டம் போட வைக்கிறது. பத்மேஷின் ஒளிப்பதிவு படத்திற்கு மிகப்பெரிய பலமாக அமைந்திருக்கிறது. குறிப்பாக ராஜேசேகர் மாஸ்டரின் ஆக்‌ஷன் காட்சிகளை படமாக்கிய விதத்திற்காகவே ஒளிப்பதிவாளருக்கு ஆயிரம் அப்ளாஷ் கொடுக்கலாம். குறுகலான மற்றும் பாத்ரூம்களில் நடக்கும் ஆக்‌ஷன் காட்சிகளில் கேமரா பிரமிக்க வைக்கிறது.

இயக்குநரின் திரைக்கதையையும், காட்சிகளையும் எந்த வித குழப்பமும் இன்றி ரசிகர்கள் புரிந்துக் கொள்ளும்படி எடிட்டர் கே.ஜே.வெங்கட்ராமன் கொடுத்திருக்கிறார். இத்தனை கதாபாத்திரங்கள், அவர்களுக்கு இடையே நடக்கும் சம்பவங்களை சொல்வதில், ஒரு இடத்தில் தவறு நடந்திருந்தாலும் மொத்த படமே தப்பாக போக வேண்டிய ஒரு கான்சப்ட்டை ரொம்ப கச்சிதமாகவே எடிட்டர் கத்திரி போட்டிருக்கிறார்.

இயக்குநர் உள்ளிட்ட தொழில்நுட்ப கலைஞர்களும், படத்தில் நடித்திருக்கும் அனைத்து நடிகர்களும் அதிகமாகவே உழைத்திருக்கிறார்கள் என்பது அனைத்து காட்சிகளிலும் தெரிகிறது. குறிப்பாக ஆக்‌ஷன் காட்சிகளில் நடித்த விதார்த், அசோக், நிவாஸ் ஆதித்தன் ஆகியோர் ரொம்பவே கஷ்ட்டப்பட்டிருக்கிறார்கள்.

தமிழ் சினிமாவில் ஏற்கனவே இதுபோன்ற ஜானரில் சில படங்கள் வந்திருந்தாலும், இத்தனை கதாபாத்திரங்களை வைத்து இப்படி ஒரு ஜானரில், இந்த படத்தை இயக்கியிருக்கும் ராஜன் மாதவை நிச்சயம் பாராட்டியாக வேண்டும். அதேபோல், கதாபாத்திரங்களுக்கு ஏற்ற நடிகர்களை சரியாக தேர்வு செய்திருக்கும் இயக்குநர் சில நடிகர்கள் ஒரு சில காட்சிகளில் வந்தாலும், அவர்களையும் படத்தில் முக்கிய பங்கு பெறும்படி காட்சிகளை சுவாரஸ்யமாக அமைத்திருக்கிறார்.

காதல் படம்னாலே வில்லன்கள் கண்டிப்பா இருப்பாங்க. ஆனா, இந்தக் காதல் படத்துல வில்லனே கிடையாது. காதலுக்கு காதலிக்கிற நாயகிதான் கொஞ்சமே கொஞ்சமான வில்லி. அதுவும் அவங்க குணத்தால, சுயநலத்தால வர வில்லத்தனம்.

ஹரீஷ் ஜெயராஜ் இசையமைத்திருந்த இந்த படத்தில் பாடல்கள் பலராலும் வரவேற்பு பெற்றுள்ளது. இசைக்கு ஏற்றவாறு படத்தின் பாடல் காட்சிகளும் சிறப்பாக படமாக்கப்பட்டுள்ளது.

வாழ்க்கையை மிகவும் ரசிப்புத்தன்மையுடன் வாழவேண்டும் என்று நினைக்கும் ஒரு ஆணும், தொழில்துறையில் சாதிப்பது தான் தனது வாழ்க்கை என்று வாழும் ஒரு பெண்ணும் சந்திக்கும் படமே ’தேவ்’.

சாகச விரும்பியான தேவ்,வாழ்கை வாழ்வதற்கு என்று ஜாலியான மனிதர் எதையும் ஈசியாக எடுத்து கொள்ளும் வாலிபர் அவர் வாழ்கையில் ஆண்களையே பிடிக்காமல் வாழும் பெண் இளம்வயதில் தொழில்துறையில் பல சாதனை செய்து வரும் மேக்னாவை சந்திக்கிறான். காதலை கண்டால் விலகும், ஆண்களை வெறுக்கும் மேக்னா தேவ்வை ஏற்றுக்கொள்கிறாளா? என்பதே படத்தின் கதை.

நீண்ட நாட்களுக்கு பிறகு தமிழ் சினிமாவிற்கு கிடைத்திருக்கும் கலர்ஃபுல் காதல் படம் தான் தேவ். நடிகர்கள் கார்த்தி, ரகுல் ப்ரீத் சிங் முதன்மையான கதாபாத்திரங்களில் ஏற்றுள்ளனர். பாகுபலி படத்திற்கு பிறகு ரம்யா கிருஷ்ணன் இந்த படத்தில் முக்கிய கதாபாத்திரத்தில் நடித்துள்ளார்.

அழ வேண்டாம், அதிகமா சிரிக்க வேண்டாம், அப்படியே ஒரு டிராவல் பண்ற மாதிரி ஜாலியா ஒரு படம் பார்க்கணும்னு நினைக்கிறவங்களுக்கு இந்தப் படம் பிடிக்கும்.

தமிழ் சினிமாவில் வெளியாகும் கமர்ஷியல் படங்களில், கதாநாயகி கதாபாத்திரம் சற்று மட்டுப்படுத்தப்பட்டதாகவே இருக்கும். ஆனால் அந்த வழக்கத்தை தேவ் படம் தகர்த்திருக்கிறது. இந்த படத்தில் மேக்னா என்ற வலுவான கதாபாத்திரம் ரகுல் ப்ரீத் சிங்கிற்கு வழங்கப்பட்டுள்ளது. அதை சிறப்பாகவே செய்திருக்கிறார்.இதுவரை கவர்ச்சி பொருளாக இருந்த ரகுல் தன் நடிப்பின் மூலம் மிரட்டுகிறார்.

படத்திற்கு பாடல்கள் பக்க பலம் தான் என்றாலும், படத்தோடு பார்க்கும் போது அவை சற்று ஸ்பீடுபிரேக்கர் போல உணரச் செய்கின்றன. அதேபோல படத்தில் வரும் சண்டைக் காட்சிகளும் பெரியளவில் கவனம் ஈர்க்கவில்லை. படத்தின் இரண்டாம் பாகத்தி அதிக கவனம் செலுத்திய இயக்குனர் முதல் பாகத்திலும் கொஞ்சம் கவனம் செலுத்தி இருந்தால் படம் இன்னும் சுவாரியசமாக இருந்து இருக்கும்

தேவ் படத்தில் ஒரு கட்டத்தில் எவரெஸ்ட் சிகரம் ஏறும் கார்த்தி, அடேகப்பா மிகவும் அதிக ரிஸ்க் எடுத்து நடித்து இருக்கிறார்.கிளைமாக்ஸ் காட்சி மிகவும் உருக்கமாக சொல்லி இருக்கிறார் இயக்குனர். படத்தின் வசனம் படத்திற்கு வலு. சேர்த்து விடுகிறது.நட்பு தன் நம்பிக்கை காதல் பாசம் என்று பலகோணங்களில் நம்மை சிந்திக்க வைக்கிறார் அதோடு ரசிக்கவும் வைக்கிறார் இயக்கினர்.

காதல் படங்களை கொண்டாடும் இந்திய சினிமாவின் வரலாற்றில் ’தேவ்’ படம் பதிவு செய்யும் வெற்றி என்ற நம்பிக்கையை நிச்சயம் கொடுக்கும்.

சிறு வயதிலிருந்தே அனாதைகளாக இருந்து ஒரு திருநங்கை ஆதரவில் வளர்ந்தவர்கள் சரண் மற்றும் பாண்டி. அந்தத் திருநங்கையை யாரோ கொன்றுவிட சரண், பாண்டி அவர்களை பதிலுக்குக் கொன்றுவிட்டு சிறைக்கு வருகிறார்கள். சிறைக்குள் இருக்கும் பிருத்விக்கும், சரண் – பாண்டிக்கும் இடையில் மோதல் உருவாகிறது. சரணுக்காக பிருத்வியிடம் சண்டைக்குச் சென்று அடிபட்டு பாண்டி இறந்து போகிறார். அதன் பின் பிருத்வி சிறையை விட்டு விடுதலை ஆகிறார். தன் நண்பன் பாண்டி இறக்கக் காரணமாக இருந்த பிருத்வியை சிறையை விட்டு தப்பிச் சென்று கொல்ல நினைக்கிறார் சரண். அது நடந்ததா இல்லையா என்பதுதான் படத்தின் மீதிக் கதை.

இளம் குற்றவாளிகளை அடைத்து வைக்கும் சிறைச்சாலை சிறுவர் சீர்திருத்தப் பள்ளி ஆகவும் இருக்கும். ஆனால், படத்தில் அதை சிறைச்சாலை ஆக மட்டுமே காட்டியிருக்கிறார் இயக்குனர். எந்த ஒரு காட்சியிலுமே அவர்கள் நல்ல விஷயத்தைப் பார்ப்பதாக படத்தில் காட்டப்படவேயில்லை என்பது ஒரு குறை. படம் முழுவதும் அவர்கள் வாழ்வின் கெட்ட பக்கங்களாகவே இருக்கிறது.

சரண், பிருத்வி, பசங்க படத்தில் நடித்த கிஷோர், ஸ்ரீராம், பாண்டி ஆகியோர்தான் படத்தின் முக்கிய கதாபாத்திரங்கள். சரண் தான் படத்தின் நாயகன். பிருத்வி வில்லன். பாண்டி கொஞ்ச நேரமே வந்து பரிதாபமாக இறந்து போகிறார். கிஷோர் ஒரு சிறு குற்றத்திற்காக சிறைக்கு வந்து, காதலியை மீண்டும் சந்திக்க மாட்டோமா என்று ஏங்கித் தவிக்கிறார். ஸ்ரீராமை முதலில் வில்லன் போலக் காட்டி பின்னர் அவரை வில்லன் இல்லை என்கிறார்கள்.

படம் முடிவடையும் நேரத்தில் சரணை ஒரு பெண் காதலிக்க ஆரம்பிக்கிறார். கிஷோருக்கு ஏற்கெனவே ஒரு காதலி இருக்கிறார். இளம் குற்றவாளிகள் என்றால் 18 வயதுக்குக் கீழ் உள்ளவர்கள்தானே. அப்புறம் எப்படி அவர்களுக்கு அந்த வயதில் காதல் என்பதெல்லாம். நடித்துள்ள ஒவ்வொருவரும் 25 வயது இளைஞர்களைப் போல இருக்கிறார்கள்.

இளம் குற்றவாளிகள் என்றால் கதையை வித்தியாசமாக சொல்ல வசதியாக இருக்கும் என இப்படி ஒரு கதைக்களத்தை இயக்குனர் தேர்வு செய்திருப்பார் போலிருக்கிறது. அதை லாஜிக்காக சொல்லியிருந்தால் இன்னும் கவனம் ஈர்த்திருக்கலாம்.

சிறைக்கான செட்டோ அல்லது பழைய கம்பெனியோ அதைக் காட்சிப்படுத்தியிருப்பது அருமை. லைட்டிங், ஒளிப்பதிவு, பின்னணி இசை என சிறைக்குள் இருக்கும் அனுபவம் கிடைக்கிறது.

இயக்குனர் செல்லா அய்யாவு இந்த படம் மூலம் அறிமுகமாகிறார் இவர் இயக்குனர் எழில் உதவி இயக்குனர் தன் குருநாதர் போலவேகாமெடியை காலமாக எடுத்து கொண்டார் அதை திறம் பட செய்துள்ளார் படத்தில் அவர் லாஜிக் விட காமெடி மேஜிக்கை நம்பி அதை மிக சிறப்பாக செய்துள்ளார் படம் ஆரம்பம் முதல் இறுதி வரை காமெடி தான் மனதில் எத்தனை கவலை இருந்தாலும் அதை மறக்க வைக்கும் அளவுக்கு சிரிக்க வைக்குறார்

இந்த விஷ்ணுவிஷால்,ரெஜினாகாசான்றா,ஓவியா,யோகிபாபு,கருணாகரன்,இயக்குனர் மாரிமுத்து,ரவி சங்கர்,லிவிங்ஸ்டன்,ஆனந்தராஜ்,மன்சூரலிகான், மற்றும் பலர் நடிப்பில் லியோன் ஜேம்ஸ் இசையில் லக்ஷ்மண் ஒளிப்பதிவில் வெளிவந்து இருக்கும் படம் சிலுக்குவார்பட்டி சிங்கம்.

இயக்குனர் படத்தின் கதை எல்லாம் பெருசாக இல்லை காமெடி ஒன்று தான் பிராதனம் படத்தின் மிக பெரிய பலம் என்றால் அது யோகிபாபு தான் படத்துக்கு சிலுக்குவார்பட்டி சிங்கம் என்பதுக்கு பதில் சிலுக்குவார்பட்டி யோகிபாபு என்று டைட்டில் வைத்து இருக்கலாம் ஐயோ அந்த அளவுக்கு நம்ம்மை சிரிக்கவைக்கிறார் யோகிபாபு

சிலுக்குவார்பட்டி போலீஸ் ஸ்டேசன்யில் போலிஸ் கான்ஸ்டபிள் விஷ்ணு விஷால் எஸ்,ஐ லிவிங்ஸ்டன் விஷ்ணு விஷால் என்ன செய்தாலும் சரி என்று சொல்லும் அதிகாரி இந்த சூழ்நிலையில் சென்னையை உலுக்கும் மிக பெரிய ரவுடி சைக்கிள் சங்கர் இவர்பட்டபகளில் துணை கமிஷனரை கொலை செய்கிறார் இவரை என்கவுண்டர் பண்ண போலீஸ் திட்டம் போடுகிறார்கள் அந்த சூழ்நிலையில் இவர் தலைமறைவாகிறார் இந்த சூழ்நிலையில் அரசியலில் சிறு பிரச்னை காரணமாக மந்திரி அவரின் கட்சி ஆளை கொலை செய்ய சொல்ல்கிறார் சைக்கிள் ஷங்கரிடம் இந்த கொலையை நீ செய் உன்னை நான் காப்பாற்றுகிறேன் என்று சொல்ல சைக்கிள் சங்கர் உடனே அந்த கட்சி ஆளை கொலை செய்ய சிலுக்குவாற்பட்டிக்கு செல்கிறார்

இந்த சூழ்நிலையில் விஷ்ணுவிஷால் முறைமாமன் பொண்ணு ரெஜினா கசன்றா சைக்கிள் சங்கரை கைது செய்தால் தான் உனக்கும் எனக்கும் கல்யாணம் என்று சொல்ல வரலாறுஇஷ்னு விஷால் நிமால் முடியாததை செய்ய சொல்லுகிறாள் என்ன செய்வது என்று முழிக்கிறார் ஆனால் ரெஜினா அவனை பிடித்தால் தான் திருமணம் என்று சொல்ல என்ன நடந்தது என்பது தான் மீதி கதை.

விஷ்ணு விஷால் தன் பலம் அறிந்து இந்த படத்தின் கதையை புரிந்து நடித்துள்ளார் அப்பாவி போலிசாக இல்லை கோழை போலிசாக இல்லை வாய் உதார் போலிஸ் பாத்திரம் அதை உணர்ந்து சிறப்பாக நடித்துள்ளார்.இயக்குனரின் நடிகராக சிறப்பாக நடித்துள்ளார்.

ரெஜினா கசன்றா பெரிதாக ஒண்ணும் இல்லை அழுகு பதுமை போல வந்து போகிறார் ஆனால் கொடுத்த வேலையை சிறப்பாக செய்துள்ளார் அழகில் சொக்கவைக்கிறார்.

ஆட்டக்காரி கனகா தான் ஓவியா அயிட்டம் டான்சராக வருகிறார் குறைந்த நேரம் வந்தாலும் மனநிறைவாக நடித்துள்ளார் என்று சொன்னால் பொய் ரசிகர்களி எதிஎற்பர்ப்புக்கு இல்லை என்று தான் சொல்லணும்

படத்தின் பலமே யோகிபாபு தான் காரணம் அந்த அளவுக்கு நம்மை சிரிக்கவைக்கிறார் காட்சிக்கு காட்சி நம்மை கவ்ருகிறார் படம் முழுக்க வருகிறார். படத்தை மிக முக்கிய பங்கு என்று தான் சொல்லணும் அந்த அளவுக்கு பலம் சேர்க்கிறார்.

ஒருபக்கம் ஆனந்தராஜ் வில்லதனதுடன் காமெடி செய்துள்ளார் வில்லன் நடிகர் ரவி சங்கர் இவர் செய்யும் வில்லத்தனத்தில் ஒரு நகைசுவை அடங்கியுள்ளது இதற்கும் இயக்குனரை பாராட்ட வேண்டும் மற்றபடி படத்தில் அனைவரும் தனக்கு கொடுத்த பங்கை மிகவும் உணர்ந்து நடித்துள்ளனர்.

படத்தில் முதல் அரை மணி நேரமே வந்தாலும் அதற்குள்ளாக ஐயா ஆதிமூலம் கதாபாத்திரத்தில் வாழ்ந்து முடிக்கிறார் விஜய் சேதுபதி. தன்னுடைய 25வது படத்தை ஒரு நாடகக் கலைஞனின் படமாக அவர் திட்டமிட்டு கொடுத்திருப்பார் என்றே தோன்றுகிறது.

70 வயதைக் கடந்த ஒரு நாடகக் கலைஞனை நம் கண்முன்னே கொண்டு வந்திருக்கிறார் விஜய் சேதுபதி. அவர் நடித்த கதாபாத்திரங்கள் தமிழ் சினிமாவில் ஒரு அடையாளத்துடன் இருக்கின்றன. அது இந்த ‘சீதக்காதி’ ஐயா ஆதிமூலம் கதாபாத்திரத்தையும் ஒரு அடையாளமாக இருக்க வைக்கும்.

மக்கள் கூட்டமே வரவில்லை என்றாலும், மக்கள் முன் நடிப்பதுதான் சிறப்பு என நாடகத்தை விடாமல் நடத்திக் கொண்டு வருகிறார் விஜய் சேதுபதி. ஒரு நாடக மேடையிலேயே அவருடைய உயிரும் பிரிகிறது. சினிமாவில் நடிக்க விருப்பமில்லாதவர், இறந்த பின் சினிமாவில் நடிக்கும் நிலை வருகிறது. அவருடைய ஆத்மா அவருடைய குழு நாடக நடிகர்களுக்குள் புகுந்து நடிக்கிறது என்பதைப் புரிந்து கொள்ளும் விஜய் சேதுபதியின் உதவியாளர் மௌலி, அந்த ஆத்மாவை சினிமாவிலும் நடிக்க வைக்கிறார். அந்த ஆத்மா நடித்த பல படங்கள் வெற்றி வாகை சூடுகின்றன. அப்படி சுனில் நடிக்கும் படத்திலும் ஒப்பந்தமாகிறார். ஆனால், ஒப்பந்தத்தை மீறி அவர்கள் சொல்லாத காட்சிகளை எடுப்பதால் விஜய் சேதுபதியின் ஆத்மா வருவது நின்று விடுகிறது. இதன் பின் என்ன நடக்கிறது என்பதுதான் படத்தின் கிளைமாக்ஸ்.

விஜய் சேதுபதியின் மரணத்திற்குப் பிறகு படத்தில் இரண்டு கதாநாயகர்கள் ஒருவர் ராஜ்குமார் மற்றொருவர் சுனில். இருவருமே நகைச்சுவை நடிப்பில் அசத்துகிறார்கள். ராஜ்குமார் இதற்கு முன்பு ‘நடுவுல கொஞ்சம் பக்கத்த காணோம்’ உள்ளிட்ட படங்களில் நடித்தவர். நடிக்கவே தெரியாதவர் உடம்பில் விஜய் சேதுபதியின் ஆத்மா புகுந்த பின் அவர் நடித்துத் தள்ளுவதும், ஆத்மா விலகிய பின் அவர் நடிக்க முடியாமல் தடுமாறுவதும் என ராஜ்குமார் நடிப்பின் உச்சத்தைத் தொட்டிருக்கிறார்.

அறிமுக நடிகர் சுனில். நடிகராக ஆசைப்பட்டு அவரே தயாரித்து நடிக்கிறார். ஆத்மா அவருக்குள் வராமல் நின்று விட அதன் பிறகு அவர் நடிக்கத் தடுமாறுவதும், பிரச்சினைகளில் சிக்கித் தவிப்பதும் என அசத்துகிறார். தமிழ் சினிமாவிற்கு மேலும் ஒரு நகைச்சுவை நடிகர் கிடைத்திருக்கிறார்.

அவர்களுக்குப் பிறகு படம் முழுவதும் வரும் ஒரே நடிகர் மௌலி மட்டுமே. அவருடைய நடிப்பில் அவரின் அனுபவம் பேசுகிறது. குறைவான காட்சிகளில் அர்ச்சனா நடித்திருப்பது எதிர்பாராத ஒன்று.

கோவிந்த் வஸந்தா பின்னணி இசையில் தனி சாம்ராஜ்ஜியத்தை நடத்தியிருக்கிறார். அவருக்குத் தீனி போடும் பல காட்சிகள் படத்தில் உள்ளன.

விஜய் சேதுபதி படம் என்று எதிர்பார்த்து போனால் அவருடைய நடிப்பில் அவர் ஏமாற்றவில்லை. முழு படத்தில் அவர் இல்லை என்றாலும் அதன் பின் வரும் காட்சிகள் அனைத்துமே சிரிப்புக்கு உத்தரவாதம். ஆத்மாவை வைத்து கூட ஒரு கதையை யோசிக்க முடியுமா என ஆச்சரியப்பட வைத்திருக்கிறார் இயக்குனர் பாலாஜி தரணிதரன்.